ZORTE ON!

Agurra

Listo, finitto, bukatu da ia. Ikasgaia, lauhilekoa, kurtsoa eta askorentzat karrera. Amildegitzat ala bidearen hasieratzat ikusi, hori norberaren esku dago. Agian gauza biak izango dira era berean, salto egin eta itsaso zabalean dzanga! Izan ere, aurretik ibilitakoak indartu gaitu, argi daukagu hori, eta aurrerantzean ibili nahi dugunak are gehiago.

Orain erremintak daramatzagu motxilan, kasu honetan IKTen eskola berrian erabilgarri eta beharrezko izango zaizkigunak. Programa bereziak noski, baina batez ere ikuspegi zabal eta hausnarkorra, irakasle ororentzat ezinbesteko bertutea dena (eta lantzen ikas daitekeena hemen egin dugun bezalaxe).

Sukaldean trasteatzen ibili gara, eta ez daukagu hartu dugun ohitura hau alde batera uzteko asmorik. Agian ez dugu hezkuntza perfekturako errezeta hutsezina lortu, baina ez dugu etsiko. Idealistegiak? Gazte iñuzenteak? Behar bada bai, baina eserita behintzat ez gara geratuko, edozeri zukua atera eta ikasteko prest gaude, gure utopia txiki errealdoiak alde batera utzi barik.

Ikaskide maiteok, batzuk besteongandik ikasi dugunak ez dauka preziorik.

Agur bero bat eta eskerrik asko!

POSTprograma

Amaierako POSTprograma

Hasi gaitezen ba ikasgai honen postprograma egiten. Horretarako begirada bat atzera bota eta bidean landutakoaz ohartuko gara.

Teknologia berriak, irakasgai berria, irakasle berria, azken lauhilekoa, azken hilabeteak… Hau da irakasgaia hasi baino lehen geneukana buruan. Zelan izan daiteke dagoeneko diplomaturako azken azterketak egiteko epean egotea? Hiru urte hauek “ti-ta” batean pasatu direla ematen du. Hala ere, utz ezagun alde batera Arangoitiko urteak eragin dezaketen nostalgia eta postprograma jorratu dezagun.

Esan genezake teknologia berriak irakasgaia zenbait etapetan banatua egon dela. Guk geuk, 5 etapetan banatu izan dugu postprograma honen egitura zehaztuz joateko:

Lehenengo etapa, irakasgai honen lehenengo egunari emango diogu. Egia esan, klaseak hasi baino lehen ez geneukan inolako espektatibak sortu, ez onak, ez txarrak. Guztiak geunden lehenagoko praktikaldi garaiari buruz hitz egiteko gogoekin. Ez geneukan klaseak hasteko ilusiorik, are gehiago gure unibertsitate maitea atzean utzi behar izan genuelako eta ez zen (eta oraindik ez da) gauza erraza izaten ari. Horregaitik esan genezake gure lehenengo egunean denboratxu bat eman geniola gure buruari; non zegoen argitzeko, irakasgai berri eta irakasle berria ezagutu behar genuela barneratzeko, gure gela non zegoen aurkitzeko (oraindik ere esan beharra dago zenbait taldekidek zailtasunak izaten ditugula klaseak aurkitzeko), eta hainbat gauza gehiago gure burua Haur Hezkuntza 3.mailako azken lauhilekoan kokatzeko. Beraz, aurkezpen klase hau ondo etorri zitzaigun unibertsitate eta irakasgai berri hauei ongi etorria emateko.

Teknologia berriak irakasgaiarekin jarraitzeko hurrengo etapa (2.etapa) zein den zehaztuko dugu. Hau ordenagailu gelan bloggarekin deitu dugu. “Blog bat egingo duzue ikasle maiteok”…-blog bat? Pero cómo que blog bat? Ei entzun dozu? Blog bat esan du, ez? Baina zelan?-... Eta beste hainbat galdera, beldur, erresistentzia. Eta begira non gauden orain, gure blogari azken errepasoa egiten. Ez da bide erreza izan, hainbat erabaki hartu behar izan ditugu baina horiei esker lan bikaina atera dugu. Blog-aren inguruan aritzeko lehen egun hauetan lasaitzen gintuen gauza bakarra zera zen; klaseko gainontzekoak ere gure egoeran zeudela. Eskerrikasko klasekide maitiok hiru urte hauetan hain ondo ezagutu izan garelako! Eta stressa eta urduritasuna konpartitu dugulako, gu bai eskuzabal!

Jo ta ke aritu ginen eta aurretik ezaguten ez genituen mila gauza ikasi izan ditugu blog-arekin. Gure esperientzia eta emaitza: guztiz positiboa.

Jarraitu dezagun beraz gure postprograma pertsonalizatuaren hurrengo etaparekin. 3.etapa = lanen aukerketa+prestaketa. Etapa honen hasieran noraezean gindoazen: …-Lan bat egin eta guztien aurrean aurkeztu… Bai, baina zein?zelan? nola? Zergaitik? Galdera guzti hauek erantzungo zituen gaia aukeratu nahi genuen. Gure porrotak ahaztuko eta lorpenak azpimarratuko zituen lanaren bilaketan aritu ginen egunak eta egunak. Guri ordenagailuen aurrean gehien gustatzen zaigun egiten: TRASTEATZEN. Horrela heldu ginen gure lanaren harira, trasteatuz eta behatuz. Komikiaren sentimentuak eta emozioak azalaratu nahi izan genituen. Tresna honen indarrari bultzadatxo bat nahi izan genion eta horretarako pertsona desberdinen ikuspuntuak topatzea berebizikoa zen. Horrela sortu zen gure lana: gure gaiaren hausnarketaren bitartez. Horretarako teknologia berriak gure gizartean zuen rola aztertu nahi izan genuen. Modu honetan mundu digitalaren indarraz ohartu ginen eta komik digitalak sortzeko bideak aurkitu genituzten.

4. etapara heldu gara, taldeen aurkezpenak. Honetan, zer esanik ez, lan zoragarriak izan dira guztionak. Aurkezpen bakoitzaren atzean talde bakoitzak egindako esfortsuak eta ahaleginak begibistan izan ditugu. Hau bai lana ikaskide maiteok! Argi geratu da gelako pertsona bakoitzak ezagutu izan ditugun segurtasun eza gainditzen lortu dugula eta guztiok zorionduak izan gaitezen: ZORIONAK!!!

Iritsi zaigu azkenengo etapa, 5.etapa hain zuzen ere, ebaluazioa + azken begirada. Honetan ari gara orain eta lortu izan ditugun helburuez ohartuz goaz. Ordenagailua et gure arteko harremana sendotzea lortu dugu. Aurre egiteko gogoak ezagutu izan ditugu eta baita etekinen satisfakzioa. Hemendik, kurtso harierarako begirada botaz oso ibilbide postitiboa ikusten dugu. Proiektu berriak sortzeko gai izan garela konturatu gara. Berrikuntzekiko eta aldaketekiko gure jarrera baikorra ezagutu dugu. Esfortzuarekin eta amore eman gabe gauzak lortu ditzalegula ikusi dugu. Oro har, hau ondoriozta dezakegu: INDARTSUAK EGIN GARA!!!

COMIC LIFE!

Esaldia: "Irakasle, izan ausart!"

Hitzak: Comic life, sortuz, baliabidea, trasteatuz

Azkenengo aurkezpenak

Aurkezpenen azkenengo saioari hasiera emateko guk (Erretakopizza) egindako lana erakutsi dugu. Horretarako, gure antzezlaririk hoberena (Nikole) irakasle "frustatu" baten paperean sartu da eta benetan lortu du besteok ondo pasatzea! Gero, bere amets soro horretan bere arazoei zein irtenbide eman ahal izango lieken ikusi du, hau da, gure ekarpena: Komikiak!
Gure aurkezpenaren helburua ikasgai honetan landutako guztia zuei helaraztea izan da: hezkuntzaren inguruko hausnarketak, zein baliabideak erabiliko genituzkeen, gure iritzia komikiei buruz...
Beraz, espero dugu zuek disfrutatu izana, komikiak beste era batean ezagutu dituzuen bitartean.

Gure partez, lana egiten gozatu dugu. Alde batetik, gure gustukua den gai baten inguruan aritu gara eta argi dago horrek lagundu gaituela ostopoak gainditzen. Bestetik, gure inguru urbileko pertsonekin komikiei buruz hitz egin dugu, haiek beste era batez ezagutzeko aukera izanda.
Egia da lan handia egin dugula eta, askotan, nahiko frustrantea izan dela baina, azkenik, bidean topatu ditugun arazoak gainditzen lortu dugu!
Oroitzapen goxoarekin geratu gara!

Kurtsoaren azkenengo aurkezpena Aostera taldeak egin du. Eurek Eskola 2.0-ri buruz hitz egin dute prezi programa erabiliz. Egia da denok entzun dugula behin baino gehiagotan "Eskola 2.0"
baina askok ez genekien oso ondo zein zen, ume batek zihoen bezala "Gure klaseko ordenagailuaren marka...". Orain askoz ere argiago dugu zer den!
Azkenik, oso polita izan den jarduera proposatu digute (elkarri ezaugarri positiboak esan). Honi esker, denok izango dugu besteen oroitzapen txiki bat. Eskerrik asko neskak!!

Esan bezala, aurkezpenak amaitu dira eta landutako guztia etorkizunean eralbitzea espero dugu, gustuko izango dute gure umetxoek?

aurkezpenak eta aurkezpenak

Kaixo bloggero eta bloggera maiteok!

Gaur ikusi izan ditugun bi aurkezpen "maravillosoei" buruz idaztera goaz. Gaur egun berezia izan da ez delako astelehen kostoso eta pisutsu bat izan, gaur osteguna da! Eta honekin batera aurkezpenak oso dinamikoak eta atseginak izan dira.

Lehenego aurkezpena klikasten taldea izan da. Olatz andereño bordearen papera argi geratu zaigu, olatz interpretazio bikaina! Beraien gaia guretzako guztiz berria izanik, izugarri interesgarri iruditu zaigu. Ez genuen lehenagotik TIC ala TAC horien desberdintasun eta berezitasunak ikusi izan. Eskerrikasko zuen aportazio baliogarriagatik!!! Gainera, behin gaia nondik nora doan azaldu diguzuen, ez zaigu batere erraza iruditu gai horretan murgildu izana eta haien metodologia ezaugarriz, ezaugarri aztertu izana.

Bigarren txanda, kukulumutxu taldea. Hausnarketarako eta emozioak azalarazteko epea heldu zaigu zuekin! Gelan sartu bezain laster ohartu gara aurkezpen horren lasaitasunaz eta goxotasunaz. Sortu izan duten giroa oso aberatsa izan da; erlaxatzeko musika, iluntasun osoa, inzienso goxoa, loretxuak lurrean, haien jantzi sinple eta expresiboak... guztia lagundu izan digu gu eroso egoteko. Oso teknografia biziak, alaiak, emozioz beteak, oroimenez sortuaz. Bapatean konturatu gara irakaskuntzaren formazio honen bide amaigabea bukatzear dagoela eta bizi izan ditugun momentu politak berriro bizi ditugu. Beste alde batetik, pena handia eman digu Amaia taldekidea ezin etorri delako baina bere teknografiak bera hor egotearen sentsazioa oparitu digu.

Hortaz, eskerrikasko klikasten eta kukulumutxu zuen teknologia berriekiko ikuspegia oparitu egin diguzuelako eta nola ez, oso denbora atsegina eta gustosoa pasatzea eragin duzuelako. Hau bai giro polita HH31 GU GARA, AURRERA!!!

"neskato hau arangoiti garaia gogorazten ari da...hau bai pena handia!"

...lan zoragarrien aurkezpenen artean murgilduz...

Gaurko egunean, hiru taldeko aurkezpenak ikusi ahal izan ditugu. Hauek haur hezkuntza bilbo, lau mila kolore eta kuxkuxeatuz dira. Gure taldeari pertsonalki asko gustatu zaizkigu guztiak. Argi ikusi da guztia ondo irtetzeko esfortzu haundiak egin dituztela eta orokorrean teknologia berrien mundu honetan gauza asko ikasi dituztela.


Lehenengo taldeari dagokionez, (haur hezkuntza bilbo) oso aurkezpen argia eta transparentea egiten lortu dutela uste dugu. Oso interesgarria izan da haiek moviemaker erabiltzean izan dituzten zailtasunak azaltzea. Gainera, mota honetako programak erabiltzean izan ahal ditugun akatsak aipatu dituzte eta hauek konpontzeko irtenbidea aurkeztu digute. Oro har, asko guztatu zaigu, lehen gertatu ez den bezala, programaren erabileraren barrenera eraman gaituztela. Programa hau berez nola eta zertarako erabil genezake irakatsi digute. Teknografietan aritzea posiblea da!


Bigarren taldekoen lana ere oso interesgarria iruditu zaigu, hauek laumilakolore dira. Aurrekoarekin konparatuz oso desberdina bada ere, erabili izan dituzten baliabideak oso egokiak izan direla uste dugu. Hain teorikoa den gaia oso modu dinamikoak aurkeztu digute eta honen garrantzia goraipatu nahi izango genuke. 50 X 15 programaren erabilera oso ideia ona iruditu zaigu irakasle identitatea den horren inguruan hausnartzeko. Gainera oso argi ikusi dugu aurkezpen hau egiteko prozesuan oso momentu onak pasatu dituztela eta hori da guretzako garrantzitsuena: taldekideen arteko harremanak sendoak izatea eta beti, beti, beti ondo pasatzea! Azkenik, eskertu nahi izango genieke klasearentzako sortu duten blog-a. Guztien artean aurrera eramatea lortzen badugu, guretzako oso baliogarria izango dela uste dugu. Irakasle identitatea bilatu dezagun!


Azkenengo taldea kuxkuxeatuz-eko neskek sortzen dute. Haien aurkezpena ere asko disfrutatu dugu. Haiek aukeratutako gaia hain urruna ematen badu ere, haiek guregana hurbileratzea lortu dute. Haien lana ikerketan oinarritu dela ikusi dugu eta honek dakarren esfortzua asko baloratzen dugu. Gainera, egoera errealak ere erakutsi izan dizkigute eta hau ere, praktikara bideratua izanik, oso egokia izan dela uste dugu. Eskoletan ere, honen inguruan lan egiten dutela argi eta garbi erakutsi digute. Eskola 2.0 aurrera doa!


Esaldia: teknologia berrien alorrean autonomoki lan egitea posiblea da!

Hitzak: nortasuna, praktikotasuna, humorea, aurrerapausuak